Ana səhifə Kult Sinema |
"Azanfilm" cizgi filmləri studiyası cizgi filmləri üçün "Mənim ideyam var" adlı qısa və orijinal süjetlər müsabiqəsi elan edir.
Studiyadan Axar.az-a verilən məlumata görə, müsabiqə "Azanfilm" studiyasının yeni inkişaf planına uyğun olaraq animasiya sahəsinə gənc yaradıcı qüvvələrin cəlb olunması, kiçik yaşlı tamaşaçılarda vizual zövqün formalaşdırılması, milli dəyərlərin təbliği məqsədilə keçirilir.
Qalib süjetlər əsasında çoxseriyalı cizgi filmlərin istehsalı nəzərdə tutulur.
Təqdim olunan süjetlərlə yanaşı müəllifin adı, soyadı, əlaqə telefonları və e-mail qeyd edilməlidir. İştirakçı müsabiqəyə süjet təqdim etməklə müəllif hüquqlarının ona məxsus olduğunu və hər hansı üçüncü tərəfin hüquqlarının pozulmadığını təsdiq edir. Münsiflər heyəti tərəfindən müsabiqənin şərtlərinə cavab verən işlər arasından seçilmiş ən yaxşı süjet müəlliflərinin hər biri 500 manat məbləğində mükafatlandırılacaq.
Tarix
2016.01.15 / 18:32
|
Müəllif
Nilufər Muğantürk
|