Ana səhifə Kult Sinema |
"Papaq" filminə mənim əvəzimə ən yaxın dostumu çəkdilər.
Axar.az xəbər verir ki, bu sözləri xalq artisti Rafiq Əzimov "Papaq" ("Evlənmək istəyirəm") filmində onun rolunun Həsən Məmmədova verilməsi haqda "Tezdən oyan" verilişində danışarkən deyib. O, başına gələn oxşar hadisədən də söz açıb:
"Papaq" filmində rola mən təsdiq olunmuşdum. Hətta sınaq çəkilişlərində də çəkilmişdim. AzTV-dən belə gəlib çəkmişdilər ki, bu aktyorlar olacaq. Mən də müsahibə verirdim bununla bağlı. Bir gün evdə oturmuşdum, qəzetdə oxudum ki, bəs kinoya filan aktyorlar çəkilir. Mənim də çəkiləcəyim rola ən yaxın dostum Həsən Məmmədovun adını yazmışdılar. İnana bilmədim, sonra məsələ aydın oldu. Bildim ki, məni kim istəməyib. Həsəndən qətiyyən incimədim, çünki o aktyordur, ona hansı rolu versələr, oynayacaq. Belə hadisələr başıma çox gəlib. Sonra "Romeo mənim qonşumdur" filmində də mən oynayacaqdım, amma rolumu Siyavuş Aslana verdilər".
Tarix
2016.01.27 / 12:01
|
Müəllif
Dilarə Zamanova
|