Türkiyə Prezidenti Rəcəb Tayyib Ərdoğan Müəllim Günü münasibətilə paytaxt Ankarada keçirilən tədbirə qatılıb.

Axar.az xəbər verir ki, prezident çıxışında FETÖ ilə mübarizəyə toxunaraq, təşkilatın müəllimlərin imicinə ciddi zərbə vurduğunu deyib.

"FETÖ zamanın gerisində qalan, toplumun təməl dəyərlərindən uzaq, təzyiq edən təhsil siyasətinin məhsuludur. FETÖ dövlətin bütün qurumlarına sızmışdı. İndi isə əvəzini ödəyirlər. İstəyirik, at izi it izinə qarışmasın. A-dan Z-yə qədər özlərini gizlətməyə çalışırlar.

İndi bildiklərimi deyə bilmərəm, ancaq vaxt gələcək, hər şey aydınlaşacaq. Çünki hər doğrunu hər yerdə demək düzgün deyil, səbr lazımdır", - deyə Ərdoğan bildirib.