Bakı şəhərində pulsuz "Vay-Fay" şəbəkəsinin geniş istifadəyə verilmə tarixi bəlli olub.

Report-un məlumatına görə, 2017-ci ilin mart ayından etibarən Bakıda müəyyən edilmiş ərazilərdə pulsuz simsiz internet şəbəkəsindən istifadə etmək mümkün olacaq.

"Public free wi-fi" layihəsini reallaşdıracaq Çinin "Huavey" şirkətinin Bakı ofisinin tərəfdaşlarla satış üzrə meneceri Səfər Səfərov bildirib ki, pulsuz internet şəbəkəsi əsasən üç istiqamətdə yayılacaq:

"İlkin olaraq Bayraq meydanı daxil olmaqla Dənizkənarı Milli Park, Fəvvarələr meydanı və "İçərişəhər" dövlət qoruğunda ictimai pulsuz "Vay-Fay" şəbəkəsi tətbiq olunacaq".

Qeyd edək ki, hazırda qeyd edilən ərazilərdə kabelləşmə işləri aparılır. Yaxın vaxtlarda sınaq işlərinin keçirilməsi nəzərdə tutulur.