Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Yanvar 2018


Oqtay Əsədov Bosniyanın XİN rəhbəri ilə görüşdü

Ana səhifə Siyasət
12 Punto 14 Punto 16 Punto 18 Punto

Azərbaycan Milli Məclisin sədri Oqtay Əsədov Bakıda səfərdə olan Bosniya və Herseqovinanın Xarici İşlər naziri İqor Çrnadakın başçılıq etdiyi nümayəndə heyətini qəbul edib.

Parlamentdən Axar.az-a verilən məlumata görə, görüşdə sədr iki tərəfli münasibətləri yüksək qiymətləndirərək bildirib ki, Azərbaycan tərəfi Xocalı soyqırımı ilə əlaqədar Bosniya və Herseqovina Parlament Məclisinin Xalqlar Palatası tərəfindən Xocalı soyqırımına ədalətli hüquqi, siyasi qiymət verilməsi barədə qətnamənin qəbul olunmasını yüksək dəyərləndirir.

Sədr qeyd edib ki, 2016-cı ilin yanvarında AŞPA-nın qış sessiyasında Bosniya və Herseqovina parlamentinin üzvü Militca Markoviçin irəli sürdüyü “Azərbaycanın sərhədyanı bölgələrinin sakinlərinin qəsdən sudan məhrum edilməsi” adlı qətnamə layihəsinin səs çoxluğu ilə qəbul edilməsini bu sahədə uğurlu əməkdaşlığımızın nümunəsi kimi dəyərləndirir. Spiker hər iki ölkə arasında mədəni-humanitar münasibətlərin də yüksək səviyyədə olduğunu söylədi. Qeyd edildi ki, buna misal olaraq 2014-cü ildə bu ölkədə baş vermiş sel və daşqınların nəticələrinin aradan qaldırılması üçün Azərbaycan hökuməti tərəfindən humanitar yardım göstərilib: “Heydər Əliyev Fondunun dəstəyi ilə bu ölkədə həyata keçirilmiş layihələr ölkə ictimaiyyətinə yaxşı məlumdur”. Spiker hər iki ölkənin parlamentlərində dostluq qruplarının fəaliyyət göstərməsini önəmli hesab etdi. Bildirildi ki, beynəlxalq təşkilatlarda deputatlarımızın mütəmadi görüşləri və qarşılıqlı səfərləri parlamentlər səviyyəsində əlaqələrin genişlənməsi baxımından çox əhəmiyyətlidir.

Söhbətdə sədr Azərbaycanın Avropanın enerji təhlükəsizliyi sistemində özünəməxsus yer tutduğunu qeyd edərək TANAP və TAP kimi qaz layihələrinin həyata keçirilməsinin gələcəkdə Avropanın enerji xəritəsini dəyişəcəyinə inamını ifadə etdi. Səmimi qəbul üçün minnətdarlığını bildirən Bosniya və Herseqovinanın xarici işlər naziri İqor Çrnadak ölkəmizə səfərindən və burada keçirdiyi görüşlərdən məmnun qaldığını söylədi. Bildirildi ki, yüksək səviyyəli siyasi əlaqələrimiz iqtisadi, mədəni, humanitar sahələrə də öz müsbət təsirini göstərməkdədir. Müstəqillik əldə etmiş xalqlarımızın tarixindəki oxşarlıqlar bizi bir-birimizə daha sıx bağlayır. Bosniya və Herseqovina Qafqazın bu bölgəsi ilə əlaqələrini gələcəkdə daha da inkişaf etdirmək niyyətindədir. Söhbətdə parlamentlərarası əlaqələrin inkişafı, regional münaqişələrin aradan qaldırılması, iqtisadi, mədəni sahələrdə əməkdaşlığın genişləndirilməsi, Avropa İttifaqı ilə münasibətlər və tərəfləri maraqlandıran digər məsələlər ətrafında fikir mübadiləsi aparılıb.

Görüşdə Milli Məclis Aparatının rəhbəri Səfa Mirzəyev, Azərbaycanın Bosniya və Herseqovinadakı səfiri Eldar Həsənov, Bosniya və Herseqovinanın ölkəmizdəki səfiri Damir Canko və digər rəsmi şəxslər iştirak edirdilər.

Tarix
2016.12.02 / 20:20
Müəllif
Axar.az
Şərhlər
loading...
Digər xəbərlər

İlham Əliyev 3 sərəncam, 3 fərman imzaladı

BAXCP sədri Özbəkistan səfirinə başsağlığı verdi

İlham Əliyev Mirziyayevə başsağlığı verdi

Primakov İsa Qəmbəri qorumaq tapşırığı verdi - Şok səbəb

Afrin qızışır: Türkiyə “PKK ovçusu”nu sərhədə yeritdi

Tramp Bakı ilə münasibəti necə quracaq? - Brayza

Kreml bu addımla Qarabağ konfliktini qızışdırır - Blank

Prezident yeni yarımstansiyanın açılışında - Foto

BMT baş katibindən Qarabağ açıqlaması: sülhə doğru addım...

Məmmədyarov Azule ilə görüşdü

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla