Yevgeni Primakovun xəbərdarlıqlarına vaxtında əməl edilsəydi, “Ərəb baharı” adlanan iğtişaşların nəticələri fərqli ola bilərdi.

Axar.az xəbər verir ki, bu sözləri Rusiya Dövlət başçısı Vladimir Putin NTV-yə açıqlamasında deyib.

“Primakov Yaxın Şərq üzrə olan biliyi sayəsində bu coğrafiyada yerləşən ölkələrin taleyini müşahidə edə bilirdi. O, gələcəkdə yaşanacaq “Ərəb baharı”nın mənfi nəticələrini görməyi bacarırdı. Primakovun dönəmində Rusiyanın imkanları məhdud idi. Beynəlxalq aləmdə əsas simalar hüquq normalarına əməl etməməyi tərcih etdilər. Prosesləri öz mənafelərinə uyğunlaşdırdılar”, - Putin bildirib.

Qeyd edək ki, Yevgeni Primakov Sovet İttifaqının son illərində bu dövlətin rəhbərlərindən biri olmuş, sonralar Rusiyanın Xarici Kəşfiyyat Xidmətinin direktoru (1991-1996), xarici işlər naziri (1996-1998), baş nazir (1998-2000) postunda çalışmışdı.

O, Azərbaycanda 20 Yanvar qırğınının müəllifi kimi xatırlanır.