Ana səhifə Siyasət |
Xəbər verdiyimiz kimi, bu gün Prezident İlham Əliyev Zaqatala İcra Hakimiyyətinin başçısı Mübariz Əhmədzadənin 2-ci dərəcəli “Vətənə xidmətə görə” ordeni ilə təltif edilməsi barədə sərəncam imzalayıb.
Axar.az xəbər verir ki, Mübariz Əhmədzadə 15 yanvar 1947-ci ildə Qax rayonunun Qaxmuğal kəndində anadan olub. Qax şəhər 1 saylı orta məktəbini, 1970-ci ildə isə Azərbaycan Politexnik İnstitutunun mexanika fakültəsini mühəndis-mexanik ixtisası üzrə bitirib.
Əmək fəaliyyətinə 1970-ci ildə Zaqatala maşın-melorasiya stansiyasında sahə mühəndisi kimi başlayıb. 1976-1979-cu illərdə Qax rayon Yol İstehsalat Dairəsində rəis vəzifəsində çalışıb. 1979-1984-cü illərdə Qax rayon Təsərrüfatlararası Tikinti İdarəsində rəis olub. 1985-1989-cu illərdə Qax rayonundakı 94 №-li Səyyar mexanikləşdirilmiş dəstənin rəisi, 1989-2007-ci illərdə Qax "Avtonəqliyyat" müəssisəsinin rəhbəri vəzifəsində çalışıb.
27 dekabr 2007-ci ildən 1 sentyabr 2009-cu ilədək Qax rayon İcra Hakimiyyətinin Başçısı vəzifəsini icra edib. Hazırda Zaqatala rayonu İcra Hakimiyyətinin başçısıdır.
Ailəlidir. 3 övladı var.
Tarix
2017.01.13 / 19:37
|
Müəllif
Pərviz Həsənov
|