İsrail rəsmiləri ehtiyat edir ki, Tel-Əvivin son 15 ildə Vaşinqtonla bölüşdüyü sirlər Donald Tramp administrasiyası tərəfindən Rusiyaya, daha sonra isə İrana ötürülə bilər.

Axar.az xəbər verir ki, bu barədə “Yeniod Axronot” qəzetinin yazarı Ronenan Berqmanın məqaləsində qeyd olunub. Müəllifin iddiasına görə, ABŞ kəşfiyyat nümayəndələri bir müddət əvvəl sözügedən vəziyyəti müzakirə etmək üçün görüşüblər.

Yazar bildirib ki, amerikalılar Rusiya lideri Vladimir Putinin Tramp üzərində üstünlüyə malik olduğuna inanırlar. Bu səbəbdən israilli rəsmilər Ağ Ev və Milli Təhlükəsizlik Şurası ilə məxfi məlumatlar mübadiləsində ehtiyatlı olmalıdır:

“İsrail rəsmiləri Trampla Moskva arasında “yersiz” əlaqələrin olmadığına əmin olana kimi ümumiyyətlə kəşfiyyat mübadiləsi aparmamalıdır”.

Qeyd edək ki, CNN rus kəşfiyyatçıları ilə Tramp arasında “kompromat saziş” olduğu barədə məlumatlar yaymışdı.