Qarabağın itirilməsini Rusiyanın adıyla bağlamaq düzgün deyil. Bizim torpaqlarımızı ermənilər zəbt ediblər.

Axar.az xəbər verir ki, bu sözləri Azərbaycanın eks-prezidenti Ayaz Mütəllibov Musavat.com-a geniş müsahibəsində deyib. A.Mütəllibov bildirib ki, Qarabağın işğalını Rusiyanın adına bağlayanlar ermənilərin arxasında rusların durduğunu göstərmək istəyirlər.

Eks-prezidentin fikrincə, bununla azərbaycanlıları qorxutmaq niyyəti güdürlər:

“Əksinə, biz düzgün siyasət qursaq, ruslar bizim tərəfdə olacaqlar, çünki Azərbaycan bir ölkə kimi Rusiyaya daha yaxındır və onun maraq dairəsindədir. Bir vaxt vardı, düzgün siyasət nəticəsində ruslar Azərbaycandan erməni yaraqlılarını çıxarırdılar. Qarabağda da məsələləri sülh yolu ilə həll edə bilərdilər”.