Ermənistan Prezidenti Serj Sərkisyan Dağlıq Qarabağa gəlib.

Axar.az xəbər verir ki, bu barədə Ermənistan PA məlumat yayıb. Səfərin “iki erməni dövləti arasında əlaqələrlə bağlı” olduğu bildirilir.

Qeyd edək ki, Ermənistan qədim Azərbaycan torpaqları olan İrəvan xanlığı, Gorus, Qafan, Meğri, Dərələyəz, Basarkeçər, Göyçə mahallarını əhatə edir. Bu ərazilər Rusiyanın sayəsində Azərbaycandan qoparılaraq, indiki Ermənistan dövləti yaradılıb. Ərazilərin zəbti zamanı 1,5 milyon azərbaycanlı qaçqın düşüb və ya məhv edilib. İşğaldan sonrakı illərdə isə indiki Ermənistan ərazisində yaşayan azərbaycanlılar daha 4 dəfə deportasiya olunub.

1988-ci ildən başlayaraq isə Azərbaycan torpaqlarının hesabına ikinci erməni dövləti qurmaq niyyəti ilə Azərbaycanın beynəlxalq aləmdə tanınan ərazisinin 20 faizi işğal olunub və bir milyondan artıq insan torpağından qovulub.

Prezident İlham Əliyev Azərbaycan torpaqları hesabına ermənilərə ikinci dövlət qurulmasına heç bir zaman imkan verilməyəcəyini bildirib.