Ermənistan Prezidenti Serj Sərkisyan öz ətrafına etibarını itirib.

Axar.az xəbər verir ki, bu barədə informasiyanı “Qraparak” qəzeti özünün etibarlı mənbələrinə istinadən yayıb.

“Əvvəlki seçkilər zamanı o, yalnız axşamlar öz qərargahını bir neçə dəqiqəlik ziyarət edirdi, amma indi Sərkisyan özü hər yerə gedir. Bu dəfə Sərkisyanın özü istəyir ki, seçkilər çox yaxşı keçsin”, – qəzet yazıb.

Qəzet bunun səbəbini də açıqlayıb. Belə ki, aprelin 3-də Ermənistana Avropa Birliyinin “Yunker” proqramı əsasında böyük pul transferinin gerçəkləşdirilməsi planlaşdırılır. Maraqlı məqam odur ki, bu pul Ermənistanda seçkinin yaxşı keçməsindən asılı olaraq İrəvana göndəriləcək.