Ana səhifə Siyasət |
Avropa ölkələri bir ağızdan deyirlər ki, Türkiyə ilə əməkdaşlıqda maraqlıdırlar, ancaq bu ölkənin Prezidenti Rəcəb Təyyub Ərdoğanla münasibətləri istiləşdirmək fikirləri yoxdur. Bu o deməkdir ki, Ərdoğan prezident olduğu müddətdə bir çox Avropa ölkəsinə rəsmi səfərə dəvət edilməyəcək. Bəs bunun əvəzində nə baş verir?
Axar.az xəbər verir ki, bu sözləri politoloq Elxan Şahinoğlu Ərdoğanın mayın 3-də Rusiyaya səfərini şərh edərkən qeyd edib. Politoloq Ərdoğanın may ayı ərzində səfər edəcəyi ölkələrin trayektoriyasına diqqət çəkib:
“Bunlar Rusiya, Hindistan və Çindir. Bu seçim ona gətirib çıxarır ki, Ankara tədricən Avropadan uzaqlaşır. Bundan hər iki tərəf uduzur.
Ərdoğanı gələn həftə Rusiyada gözləyirlər. Rusiya Prezidenti Vladimir Putin türkiyəli həmkarını Soçiyə dəvət edib. Ərdoğan səfər öncəsi Putinə xoş sürpriz edib. Rusiya vətəndaşlarının Türkiyədə vizasız qalma müddəti 60 gündən 90 günə qədər uzadılıb”.
Politoloq Putinlə Ərdoğanın müzakirə predmetinə də toxunub:
“Heç çübhəsiz əsas mövzu Suriya olacaq. Bundan başqa, Putin Türkiyəni Rusiya-İran ittifaqına yaxınlaşdırmaq istəyir. Elə Ərdoğanın özü də Rusiya-İran-Türkiyə üçlüyü içərisində dialoqun genişlənməsinin tərəfdarıdır. Növbəti üçlü görüşün Tehranda həyata keçirilməsi planlaşdırılır. Ancaq bu İranda prezident seçkisindən erkən baş verməyəcək”.
Tarix
2017.04.25 / 13:46
|
Müəllif
Aygün Yusibova
|