Ümumdünya Qadın Sammitində iştirak edən millət vəkili Qənirə Paşayeva Filippinin vitse-prezidenti xanım Leni Robredo ilə görüşüb.

Axar.az xəbər verir ki, millət vəkili xanım Leni Robredo ilə görüşü zamanı köçkün qadınların həyatı, taleyi haqda söhbətlər aparıb və Azərbaycanın ölkələrimiz arasında münasibətlərin daha da genişlənməsinə böyük önəm verdiyini deyib.

O, ölkəmizin I vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu haqda danışıb.

Qənirə Paşayeva 1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi, onların fundamental insan haqlarının bu gün də Ermənistan tərəfindən pozulmaqda davam etməsi barədə məlumatlar verib.

Bundan başqa, millət vəkili Filippinin sabiq xarici işlər naziri Dominqo-Albertlə də fikir mübadiləsi aparıb.

Q.Paşayeva görüşün sonunda onlara Azərbaycan mədəniyyəti ilə bağlı hədiyyə və materialları təqdim edib.