Ana səhifə Siyasət |
Millət vəkili Qənirə Paşayeva Vyetnamın vitse-prezidenti Dang Zi Ngoc Zinh və onun rəhbərlik etdiyi nümayəndə heyəti ilə görüşüb.
Axar.az xəbər verir ki, görüşdən məmnunluğunu ifadə edən millət vəkili Azərbaycan hökuməti və parlamentinin iki ölkə arasında münasibətlərin daha da genişlənməsinə böyük önəm verdiyini vurğulayıb.
Xanım Dang Zi Ngoc Zinh də Azərbaycanla əməkdaşlığın genişlənməsinə böyük önəm verdiklərini bildirib.
Q.Paşayeva nümayəndə heyətinə Azərbaycan həqiqətləri ilə bağlı məlumatlar verib.
Millət vəkili görüş zamanı 1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi və onların fundamental insan haqlarının bu gün də Ermənistan tərəfindən pozulmaqda davam etməsini xarici rəsmilərin diqqətinə çatdırıb.
Millət vəkili Vyetnamın sabiq vitse-prezidenti xanım Truong My Hoa ilə də görüşüb və fikir mübadiləsi aparıb.
Tarix
2017.05.20 / 11:46
|
Müəllif
Aygün Yusibova
|