14:27

Moldova Prezidenti İqor Dodonun təyyarəsi Kişinyov hava limanından Azərbaycana istiqamətlənib.

Axar.az xəbər verir ki, bu barədə informasiyanı Moldova prezidentinin rəsmi saytı yayıb.

Prezidenti Bakı səfərində Sosialistlər Partiyasının sədri Zinaida Qreçanıy və Qaqauz Muxtar Vilayətinin rəhbəri İrina Vlax müşayiət edəcək. Dodon Bakıda Azərbaycan Prezidenti İlham Əliyev, Milli Məclis sədri Oqtay Əsədov, Baş nazir Artur Rasizadə ilə görüşəcək.

19:08

Moldova Respublikasının Prezidenti İqor Dodon iyunun 21-də Azərbaycan Respublikasına rəsmi səfərə gəlib.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Moldova Prezidenti İqor Dodonu hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşılayıblar.