Bu gün beynəlxalq münasibətlərdə uğurdan danışmaq çox çətindir, ona görə ki, dünya Varşava müqaviləsinin öz fəaliyyətini dayandırmasından sonra ədalət prinsiplərini qoruyub saxlaya bilməyib.

Axar.az xəbər verir ki, bu sözləri “RİA Novosti” agentliyinə müsahibəsində Azərbaycan Prezidentin Xarici siyasət məsələləri üzrə köməkçisi Novruz Məmmədov söyləyib.

“Dünyanın bu gün belə olmasının səbəb ədalətin olmamasıdır. Varşava müqaviləsindən sonra dünya ədalət prinsiplərini qoruya bilmədi. Beynəlxalq münasibətlərdə ədalət olmayandan sonra universal dəyərlərdən danışmağın mənası nədir?!” – deyə o söyləyib.

Məmmədov müsahibə zamanı Qarabağ konfliktinə də toxunub. O, indiyə qədər Dağlıq Qarabağ konfliktinə ədalətli dəyərin verilməsinə nədənsə maneələr yaradıldığını bildirib.

Qeyd edək ki, Varşava müqaviləsi təşkilatı 1955-ci ildə yaradılıb. Bu təşkilata SSRİ, Çexoslovakiya, Yuqoslaviya, Albaniya, Bolqarıstan, Macarıstan, Almaniya Demokratik Respublikası, Polşa və Rumıniya daxil olub. 1991-ci ildə təşkilat öz fəaliyyətini dayandırıb.