Ana səhifə Siyasət |
ABŞ Konrqesinin qəbul etdiyi qanunda “şər üçbucağına” Rusiya və Şimali Koreya ilə yanaşı, İranı da əlavə etməsi gələcəkdə Azərbaycana müəyyən problemlər yaradacaq.
Axar.az xəbər verir ki, bu haqda politoloq Elxan Şahinoğlu yazıb. Siyasi şərhçi Rusiya-İran ittifaqının heç zaman Azərbaycanın xeyrinə olmadığını qeyd edib:
“Əslində, İrandakı siyasi və dini dairələrin heç vaxt Rusiyaya inamları olmayıb, ancaq Rusiya hakimiyyətinin anti-Qərb siyasəti və son illər Suriya rejiminə verdiyi dəstək Tehranı istər-istəməz yenidən Moskva ilə əlaqələri genişləndirməyə, tərəfdaşlığı artırmağa sövq edib. ABŞ-ın yeni sanksiyaları isə bu ikiliyi yenidən zorən müttəfiqlərə çevirəcək. Bu isə o deməkdir ki, Rusiya və İran Cənubi Qafqaz və Qarabağ münaqişəsinin həllinə baxışda da eyni prizmadan yanaşacaqlar.
İkincisi, Konqresin və ABŞ Prezidenti Donald Trampın anti-İran siyasəti eyni ilə İranda anti-Amerika əhval-ruhiyyəsini gücləndirəcək və İrandakı dairələr ətraflarındakı amerikalı dostlarına və tərəfdaşlarına şübhəylə yanaşmağa başlayacaq. Azərbaycanın isə Amerika ilə tərəfdaşlıqdan imtina etmək fikri yoxdur”.
Tarix
2017.08.10 / 16:39
|
Müəllif
Aygün Yusibova
|