Ana səhifə Siyasət |
Ermənistan bir tərəfdən Rusiyanın gözündə öz qiymətini qaldırmağa çalışır, digər tərəfdən isə Qərbə tərəf qaçmaq üçün müəyyən hazırlıq görür.
Bu sözləri Axar.az-a açıqlamasında politoloq, millət vəkili Rasim Musabəyov deyib. Deputat ermənilərin ənənəvi olaraq indi də ikiüzlü siyasət apardıqlarını deyib:
“Ermənistan bir tərəfdən Rusiyanın forpostudur, digər tərəfdən isə öz qiymətini qaldırmaq üçün ABŞ və Avropadakı erməni diasporundan yararlanır. İrəvanın məqsədi məhz xaricdəki erməni diasporundan yararlanmaqla Qərbin dəstəyini qazanmaq və bununla da müəyyən manevrlər etməkdir”.
Millət vəkili həmçinin Azərbaycan və Ermənistan prezidentlərinin bu il ərzində ehtimal edilən görüşünə də toxunub:
“Düzdür, görüşlə bağlı təkliflər var, ancaq baş tutub-tutmayacağı sual altındadır. Bu, xarici işlər nazirlərinin Nyu Yorkda BMT-nin sentyabr sessiyası çərçivəsində gözlənilən görüşündən asılıdır”.
Qeyd edək ki, Ermənistan son zamanlar NATO və Avropa İttifaqı ilə tərəfdaşlığı genişləndirmək üçün səylər göstərməyə başlayıb. Gürcüstanın Vaziani hərbi poliqonunda NATO-nun “Noble partner” (“Layiqli tərəfdaş”) hərbi təlimlərində Ermənistanın fəal iştirakı ekspert dairələrində birmənalı qarşılanmayıb. Hətta İrəvanın son addımını düşmən ölkənin Rusiyadan uzaqlaşması kimi dəyərləndirənlər də var.
Tarix
2017.08.15 / 08:00
|
Müəllif
Aygün Yusibova
|