Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 İyul 2018


Putinin Soçi cəhdi: format köhnə, Rusiya isə təhdid...

Ana səhifə Siyasət
12 Punto 14 Punto 16 Punto 18 Punto

Moskvanın səylərinə baxmayaraq, MDB-ni işlək təşkilata çevirmək mümkün deyil. Çünki üzv dövlətlərin fərqli maraqları var. Bu təşkilatı hətta Rusiyanın iki yaxın müttəfiqi – Qazaxıstan və Belarus da tənqid edir.

Axar.az xəbər verir ki, bu sözləri politoloq Elxan Şahinoğlu MDB dövlət başçılarının və xarici işlər nazirlərinin oktyabrın 11-də Rusiyanın Soçi şəhərində keçirilən görüşünü şərh edərkən deyib. O bildirib ki, Rusiya Pezidenti Vladimir Putinin görüşdə əsas fikri MDB-ni gücləndirməyin vacib olması ilə bağlı oldu:

“Təsadüfi deyil ki, Soçidə prezidentlər MDB-nin strukturlarının effektivliyini artırılması barədə müzakirə apardılar. Bundan başqa toplantıda üzv dövlətlər arasında ticarətin artırılması və investisiya əlaqələrinin dərinləşməsi də müzakirə edildi. MDB ilə bağlı digər maraqlı məqam ondan ibarətdir ki, illərdir MDB-nin İcraiyyə Komitəsinin sədri vəzifəsini Rusiya təmsilçiləri həyata keçirir. Hazırda İcraiyyə Komitəsinin sədri Sergey Lebedevdir. O, 2007-ci ildən bu vəzifədədir. Bundan əvvəl də sədrlər Rusiyanı təmsil edirdilər: Boris Berezovski, Yuri Yarov, Vladimir Ruşaylo... Görünür, Moskva MDB üzərindən nəzarəti əlində saxlamaq üçün başqa ölkənin təmsilçisinin İcraiyyə Komitəsinin sədri vəzifəsinə təyin olunmasını istəmir. Halbuki Moskvanın müttəfiqi Astana belə sədrlikdə rotasiya prinspinin həyata keçirilməsinə tərəfdardır”.

Politoloq qeyd edib ki, Rusiyanın bütün bu cəhdlərinə baxmayaraq, MDB-ni gücləndirmək mümkün deyil:

“Gürcüstan 2008-ci ildə Rusiya ilə müharibədən sonra MDB-dən çıxıb, Ukraynanın iştirakı isə simvolik mahiyyət daşıyır. Rusiya 2004-cü ildə Krımı işğal etdikdən sonra Ukrayna prezidenti və xarici işlər naziri MDB-nin toplantılaırnda iştirak etmirlər. Buna baxmayaraq, MDB-də fəaliyyətini gücləndirən ölkələr də var. Bu, Özbəkistan və Türkmənistandır. Bu iki dövlətdə hakimiyyətə yeni prezidentlər gəldikdən sonra Daşkəndin və Aşqabadın MDB-yə marağı artdı. Halbuki, keçmiş illərdə həm Özbəkistan, həm də Türkmənistan xarici siyasətdə “bloklara qoşulmamaq” siyasətindən çıxış edir və bir çox hallarda MDB toplantılarında da iştirak etmirdilər”.

Politoloq vurğulayıb ki, düşünülənin əksinə MDB-nin Soçi toplantısı da nəticə vermədi:

“Məsələn, Soçi görüşündə Qazaxıstan nümayəndə heyəti təşkilatın ciddi islahatlara ehtiyacı olduğunu bildirdi, bir-birini təkrarlayan strukturların çox olduğunu vurğuladı. Belarus Prezidenti Aleksandr Lukaşenko isə MDB Parlamentlərarası Assambleyanın işinin faydasız və lazımsız olduğunu bildirdi. O, fikrini belə əsaslandırdı ki, bu strukturun işi nəticə vermir, ona görə də Assambleyaya pul ayrılmasının doğru olmadığını dedi. Onun bu fikrinə Qazaxıstan Prezidenti Nursultan Nazarbayev də dəstək verdi. Azərbaycanla Ermənistanın MDB-də əməkdaşlıq edəcəyi də gözlənilmir. Hazırda Rusiyanın bölgədə həyata keçirdiyi xarici və təhlükəsizlik siyasəti MDB ölkələrinin də gizli narahatlığına səbəb olur. Bu arada, Gürcüstan Prezidenti Georgi Marqvelaşvili Rusiyaya qarşı ümumi strategiya hazırlanmalı olduğu ilə bağlı fikir söyləyib. Gürcüstan prezidenti bu təşəbbüsünü belə əsaslandırıb ki, Rusiyanın siyasəti qonşu dövlətlərə təhlükə yaradır. Ona görə də bu təhlükədən qorunmağın yolu beynəlxalq aləmin Rusiyaya qarşı ortaq siyasəti formalaşdırmasıdır”.

Politoloq Rusiyaya qonşu olan ölkələrin Gürcüstan prezidentinin təşəbbüsünə qoşulacaqlarını düşünmədiyini bildirib:

“Bir sıra ölkə Rusiyanın siyasətindən ehtiyatlansa da, onunla münasibətləri korlamaq istəmir. Ancaq Georgi Marqvelaşvilinin sözlərində həqiqət var. Rusiya keçmiş SSRİ-yə bənzəyir. Moskva onun siyasətini qəbul etməyən qonşularına qarşı təzyiq siyasəti həyata keçirir, separatçılara dəstək verir və lokal müharibələrdə iştirak edir. Yaxın illərdə Rusiyanın bu siyasəti dəyişməyəcək. MDB Rusiya üçün vacib formatlardan biridir. Elə digər dövlətlər də MDB formatından öz məqsədləri üçün istifadə edir, bir sıra mövzuları müzakirə etmək məqsədilə təşkilatın imkanlarından yararlanırlar”.

Qeyd edək ki, Oktyabrın 11-də Rusiya Federasiyasının Soçi şəhərində MDB Dövlət Başçıları Şurasının iclası keçirilib.

Tarix
2017.10.13 / 14:27
Müəllif
Firuzə Vahidqızı
Şərhlər
Загрузка...
Digər xəbərlər

Merkel Azərbaycana gəlir

İlham Əliyevin Fransaya səfəri başa çatdı

İlham Əliyev Makronla görüşdü - Yeniləndi

İlham Əliyev krala məktub göndərdi

Petrosyan Qarabağla bağlı mənə bunları dedi – Paşinyan

Paşinyan Moskvaya yalvardı: Bakının hücumu… - Şərh

Əliyevlə görüşə hazıram, səbəb var - Paşinyan

Bakı üçün tarixi şans: Nikol Kremllə əlaqələri dağıdır...

İlham Əliyev Parisdə mühüm görüşlər keçirdi

177 hüquqi şəxs, 710 əcnəbi... - Əliyeva faktları açıqladı

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla