BMT Baş katibi Antonio Quterreş Azərbaycan və Ermənistan prezidentləri arasında Cenevrədə baş tutan görüşü alqışlayır.

Axar.az xəbər verir ki, bunu BMT Baş katibinin rəsmi nümayəndəsi Stefan Düjarrik söyləyib.

“O, prezidentlərin danışıqlar prosesinin aktivləşdirilməsi ilə bağlı qərar qəbul etməklərindən və təmas xəttində gərginliyin azaldılması ilə bağlı əlavə addımlar atmalarından razıdır. BMT baş katibi ATƏT-in Minsk Qrupunun həmsədrlərinin vasitəçilik səylərini dəstəkləyir və tərəfləri sammitin pozitiv impulslarına əsaslanaraq, danışıqlar vasitəsilə Dağlıq Qarabağ konfliktinin sülh yolu ilə həllinə çağırır”, – deyə Düjarrikin bəyanatında yer alıb.