Ana səhifə Siyasət |
Millət vəkili Qənirə Paşayeva Beynəlxalq Ticarət Mərkəzinin rəsmiləri ilə görüşüb.
Axar.az xəbər verir ki, millət vəkili görüşdə Azərbaycanın həyata keçirdiyi böyük iqtisadi və enerji layihələrindən danışıb.
Q.Paşayeva Beynəlxalq Ticarət Mərkəzinin İcraçı direktorunun müavini Dorozi N.Tembo və Beynəlxalq Ticarət Mərkəzinin nümayəndəsi Vanessa Eroqbaqboya Azərbaycanda aparılan iqtisadi islahatlar və onların müsbət nəticələri, Azərbaycanın turizm potensialı, həyata keçirilən böyük nəqliyyat layihələri və bu layihələrin regiona verəcəyi böyük töhfələrdən söz açıb.
Millət vəkili görüş zamanı Azərbaycanı haqlı davası – Dağlıq Qarabağ münaqişəsinə də toxunub.
“Ermənistan BMT Təhlükəsizlik Şurası başda olmaqla beynəlxalq təşkilatların qətnamələrinə məhəl qoymaraq işğal etdiyi Azərbaycan torpaqlarını geri qaytarmır. İşğalçının vandalizm aktlarını davam etdirməsi bölgədəki vəziyyətə ciddi mənfi təsir göstərir. Bu problemin həlli istiqamətində beynəlxalq təşkilatlar səylərini daha da artırmalıdırlar”, - millət vəkili deyib.
Tarix
2017.11.13 / 14:41
|
Müəllif
Aygün Yusibova
|