Ana səhifə Siyasət |
Rusiya Türkiyəyə Cənubi Qafqaz istiqamətində hər hansı bir güzəştə getməyəcək.
Bu sözləri Axar.az-a açıqlamasında Soçidə Rusiya Prezidenti Vladimir Putinlə Türkiyə Prezidenti Rəcəb Tayyib Ərdoğan arasında keçiriləcək görüşə münasibət bildirən millət vəkili Asim Mollazadə deyib.
“Bu görüş Rusiya və Türkiyə arasındakı ikitərəfli münasibətlərə, Yaxın Şərqdəki vəziyyətə həsr olunub. Ankara və Moskvanın Dağlıq Qarabağ münaqişəsinin həlli istiqamətində ciddi müzakirələr aparacağını söyləmək olmaz”, - millət vəkili vurğulayıb.
A.Mollazadə Ərdoğan-Putin görüşündə Qarabağ məsələsinin gündəlikdə yer almamasının səbəblərinə də aydınlıq gətirib:
“Rusiya Türkiyəyə Cənubi Qafqaz istiqamətində hər hansı bir güzəştə getməyəcək. Təbii olaraq da Qarabağ mövzusu bu danışıqlarda yer almayacaq. Əslində, bu, gözlənliən idi. Yəni yeni bir şey yoxdur və bütün gözləntilər yanlış idi”.
Qeyd edək ki, Türkiyə Prezidenti Rəcəb Tayyib Ərdoğan bu gün Soçidə rusiyalı həmkarı ilə bir araya gələcək.
Tarix
2017.11.13 / 15:15
|
Müəllif
Aygün Yusibova
|