Ana səhifə Siyasət |
Separatçılarla ya hərbi güclə, ya da onları qapının ağzına qoymaqla danışmaq lazımdır.
Axar.az xəbər verir ki, bu sözləri erməni politoloq Sergey Minasyanın Ermənistanın Rumıniyadakı səfiri təyin olunmasına münasibət bildirən Elxan Şahinoğlu deyib. Siyasi təhlilçi Ermənistan Prezidenti Serj Sərkisyanın qorxdudan belə bir addım atdığını qeyd edib:
“Sərkisyan Ermənistanda məşhur analitik Sergey Minasyanı Gürcüstana səfir təyin etmək istəyirdi. Ancaq rəsmi Tiflis aqreman vermədi, bu təyinatın əleyhinə çıxdı. Tiflisin iki arqumenti var idi. Birinci arqumenti bu idi ki, Sergey Minasyan Gürcüstanda erməni separatçılarını dəstəkləyir, Rusiyanın Abxaziyanı və Cənubi Osetiyanı ələ keçirməsinə haqq qazandırır. İkinci arqument də sadə idi: Minasyan rusiyapərəstdir. Bu iki arqumentin qarşısında separatçı prezident Serj Sərkisyan təslim olmaq məcburiyyətində qaldı və o, Minasyanı Ermənistan üçün vacib ölkə olan Gürcüstana deyil, Rumıniyaya səfir təyin etdi. Ermənilər deyir ki, Minasyan Buxaretsdə turist qismində olacaq, çünki Ermənistanla Rumıniya arasındakı münasibətlər sıfır səviyyəsindədir. İrəvana yaxşı dərs oldu. Separatçılarla ya hərbi güclə, ya da onları qapının ağzına qoymaqla danışmaq lazımdır”.
Qeyd edək ki, Ermənistan Gürcüstandakı səfiri vəzifəsinə bu ölkənin Respublikaçılar Partiyasının üzvü, keçmiş deputat Ruben Sadoyan gətirilib.
Bundan öncə Emənistan hakimiyyəti bu vəzifəyə Sergey Minasyanı təyin etmişdi. Ancaq rəsmi Tiflis Minasyanın rusiyayönlü olduğunu və Gürcüstana qarşı çıxışlar etdiyini əsas gətirərək ona aqreman verməyib.
Sergey Minasyan Ermənistanın Rumıniyadakı səfiri təyin olunub.
Tarix
2017.11.18 / 10:59
|
Müəllif
Aygün Yusibova
|