Azərbaycan Prezidenti İlham Əliyevlə Ukrayna Prezidenti Pyotr Poroşenko arasında Brüsseldə görüş keçiriləcək.

Axar.az xəbər verir ki, bu barədə informasiyanı “İnterfaks Azərbaycan” agentliyi özünün etibarlı mənbələrinə istinadən məlumat yayıb.

Görüş Şərq Tərəfdaşlığı sammiti çərçivəsində baş tutacaq. Tərəflər arasında ikitərəfli əməkdaşlıq məsələləri müzakirə olunacaq. Prezidentlər həmçinin Əliyevin Ukraynaya səfəri məsələsini də müzakirə edəcəklər.

Qeyd edək ki, Şərq Tərəfdaşlığı sammiti noyabrın 24-də keçiriləcək. Görüşdə Şərq Tərəfdaşlığı ölkələri liderlərindən yalnız Belarus Prezidenti Aleksandr Lukaşenko iştirak etməyəcək.