Avropa Şurasının 20 üzv dövləti Rusiyanın Avropa Şurası Parlament Assambleyasında səsvermə hüququnun yenidən bərpa edilməsinə qarşı çıxan deklarasiyaya imza atıblar.

Axar.az xəbər verir ki, bu barədə informasiyanı öz Feysbuk səhifəsində Ukraynanın AŞPA-dakı nümayəndə heyətinin rəhbəri Vladimir Aryev paylaşıb.

“Rusiyanın Ukraynaya qarşı aqressiyasına cavab olaraq qəbul edilən qətnamə icra edilmədən Rusiyanın Assambleyadakı haqlarının bərpa olunması ilə bağlı istənilən cəhd AŞPA-nin institusional avtoritetini zədələyəcək. Bu, domino effektinə gətirib çıxaracaq”, – deyə deklarasiyada bildirilib.

Deklarasiyaya Danimarka, Estoniya, Gürcüstan, Almaniya, İrlandiya, Latviya, Litva, Lüksemburq, Malta, Moldova, Niderland, Polşa, Portuqaliya, Rumıniya, Sloveniya, İspaniya, İsveç, Britaniya, Ukrayna və Slovakiya imza atıb.