Yuxarı

XİN rəhbəri xanım Birçalla görüşdü - Foto

Ana səhifə Siyasət
12 Punto 14 Punto 16 Punto 18 Punto

Xarici işlər naziri Elmar Məmmədyarov Bakıda səfərdə olan Rumıniyanın baş nazirinin müavini Ana Birçallı qəbul edib.

Azərbaycan XİN-in mətbuat xidmətindən Axar.az-a verilən xəbərə görə, Ana Birçall Bakıda Respublika Narkoloji Mərkəzində baş vermiş yanğın nəticəsində insanların həlak olması ilə bağlı Rumıniya rəhbərliyi adından və öz adından dərin hüznlə Azərbaycan xalqı və dövlətinə başsağlığı verib.

A.Birçall 2017-ci ildə ölkələrimiz arasında diplomatik əlaqələrin qurulmasının 25 illiyinin qeyd edildiyini vurğulayaraq, 2018-ci ilin Azərbaycan və Rumıniyanın müstəqilliklərinin 100 illiyi ilə əlamətdar olduğunu deyib.

Nizami Gəncəvi Beynəlxalq Mərkəzinin təşkilatçılığı ilə keçirilən VI Qlobal Bakı Forumunun mühüm beynəlxalq məsələlərin müzakirə olunduğunu platforma olduğunu deyən xanım Ana Birçall forumda iştirakından məmnunluğunu ifadə edib.

Qonaq Azərbaycan prezidenti İlham Əliyevin forumun açılışında çıxışını, Azərbaycanın inkişafı naminə dövlət başçısının strateji baxışını və Azərbaycanda multikultural ənənələrin inkişafı və təşviqini yüksək qiymətləndirib.

Görüşdə Azərbaycan və Rumıniya arasında ikitərəfli münasibətlərin siyasi dialoqun inkişaf etdirilməsi, yüksək səviyyəli qarşılıqlı səfərlərin təşkili, enerji, nəqliyyat, mədəniyyət və iqtisadi sahədə əməkdaşlıq məsələlərinə toxunulub. İqtisadi-ticarət əlaqələrinin inkişaf etdirilməsi baxımdan Hökumətlərarası birgə komissiyanın iclasının tezliklə keçirilməsi və biznes forumun təşkilinin vacibliyi qeyd olunub.

Xanım Ana Birçall bildirib ki, Rumıniya Azərbaycanın Avropa İttifaqı və NATO ilə əlaqələrinin inkişafını davamlı surətdə dəstəkləyir.

Söhbət zamanı tərəflər ölkəmizin təşəbbüsü ilə həyata keçirilən mühüm enerji və nəqliyyat layihələri, xüsusilə Bakı-Tbilisi-Qars dəmir yolu xətti və Cənub Qaz dəhlizi haqqında müzakirələr aparıb.

Nazir Elmar Məmmədyarov Cənub-Qərb nəqliyyat dəhlizinin inkişafı haqqında məlumat verərək bu xüsusda Qara dəniz vasitəsilə Rumıniya ilə əməkdaşlıq üçün geniş imkanların olduğunu nəzərə çatdırıb. A.Berçell isə öz növbəsində Azərbaycanın strateji mövqeyə malik olduğunu vurğulayıb, Rumıniyanın nəqliyyat sahəsində əməkdaşlıq imkanlarını yüksək qiymətləndirdiyini və Qara dəniz və Xəzər dənizi arasında bərə nəqliyyatı ideyasını dəstəklədiyini qeyd edib.

Rumıniyanın baş nazirinin müavini bildirib ki, Rumıniya, Ermənistan-Azərbaycan Dağlıq Qarabağ münaqişəsinin ATƏT-in Minsk Qrupu çərçivəsində danışıqlar yolu ilə beynəlxalq hüququn norma və prinsipləri, xüsusilə Azərbaycanın ərazi bütövlüyü və suverenliyi çərçivəsində həllini dəstəkləyir.Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Tarix
2018.03.15 / 21:39
Müəllif
Axar.az
Şərhlər
Digər xəbərlər

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla