Ana səhifə Siyasət |
17:06
Dövlət Miqrasiya Xidmətində rüşvətxorluğa son qoyulmalıdır.
Axar.az xəbər verir ki, bu sözləri Azərbaycan Prezident Administrasiyasının (PA) rəhbəri, akademik Ramiz Mehdiyev Dövlət Miqrasiya Xidmətinin (DMX) yeni rəisi Vüsal Hüseynovu kollektivə təqdim edən zaman bildirib.
R.Mehdiyev ölkə başçısının Miqrasiya Xidmətinin fəaliyyətinə müəyyən iradlar tutduğunu və bunların tezliklə aradan qaldırılmasının vacibliyini bildirib:
"Cənab Prezident hesab edir ki, Miqrasiya Xidmətində şəffaflıq, təmizlik olmalı, rüşvətxorluğa son qoyulmalıdır. Elə olmasın ki, bu neqativliklər baş versə, aidiyyəti insanlar məsuliyyətə cəlb olunsun. Miqrasiya Xidməti Azərbaycanın qapısıdır və ölkəmizə hörmət gətirməlidir. Əgər hörmət gətirmirsə, belə qurum Azərbaycana lazım deyil".
Daha sonra R.Mehdiyev ATV-yə açıqlamasında gənc kadrların təyinatını mühüm məsələ adlandırıb:
"Bildiyiniz kimi, son günlər Prezidentin sərəncamı ilə gənclər müxtəlif yüksək vəzifələrə təyin olunublar. Etimad böyükdür, Azərbaycan yeni səhifə açır, yeni dövrə başlayır. Bunun üçün yeni dövrü bilən, müasir düşüncəli insanlar, yeni qüvvələr gəlməlidir".
Tarix
2018.04.24 / 22:10
|
Müəllif
Axar.az
|