01:12

Ermənistanın baş nazir vəzifəsini icra edən karen Karapetyan Vətəndaş Müqaviləsi Partiyasının lideri, deputat Nikol Paşinyanla 25 aprel. saat 11:00-a nəzərdə tutulan görüşün ləğvi ilə bağlı bəyanatla çıxış edib.

Axar.az xəbər verir ki, bəyanatda xalqa müraciət edən Karapetyan bildirib:

“Bildiyiniz kimi, 25 apreldə mənim Nikol Paşinyanla görüşüm baş tutmalı idi. Məlumat verirəm ki, görüş baş tutmayacaq. Belə ki, Paşinyan birtərəfli qaydada görüşün formatı və işıqlandırılması ilə bağlı yeni tələblər irəli sürdü.

O, biz tərəfdən görüşdə iştirak edəcək şəxslərin siyahısını təqdim etdi, həmçinin bəyan etdi ki, yalnız özünün təklif etdiyi gündəlik müzakirə ediləcək. Bu artıq dialoq və danışıqlar deyil, öz gündəliyini təqdim etməkdir.

Danışıqlarla bağlı təcrübəmdə heç vaxt belə format eşitməmişəm.

Yaranan vəziyyətin narahatlığı, hökumətin başçısı vəzifəsini icra edən şəxs kimi, məni normal həyat ritminin təmin edilməsi üçün addım atmağa vadar edir və Ermənistan prezidentinə parlament və qeyri-parlament siyasi qüvvələrinin iştirakı ilə daxili vəziyyəti müzakirə etmək və vəziyyətdən münasib çıxış yolları tapmaq üçün növbədənkənar seçkilərə qədər görüş keçirilməsini təşkil etməsi üçün müraciət edirəm”.