Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 May 2018


Paşinyan cırtdan və zəif İrəvanı müharibəyə sürükləyir

Ana səhifə Siyasət
12 Punto 14 Punto 16 Punto 18 Punto

Ermənistanın yeni baş nazirinin belə sərsəm bəyanatlar verməsində beynəlxalq ictimaiyyətin üzərinə böyük məsuliyyət düşür. Çünki onlar öz qəbul etdiyi qətnamələri icra etmirlər. Qətnamələr qəbul edilsə də, zamanında icra olunmaması Ermənistanın yeni baş nazirində, ümumiyyətlə, Ermənistanda arxayınlıq sindromunun formalaşmasına gətirib çıxarır.

Bu sözləri Axar.az-a açıqlamasında millət vəkili, politoloq Elman Nəsirov deyib. O bildirib ki, Paşinyan özünü hələ də küçədən gəlmiş bir lider kimi aparır və hələ dərk etmir ki, Ermənistanın indiki iqtisadi iflic vəziyyətinə düşməsinin ən mühüm səbəbi məhz ölkəsinin apardığı işğalçı siyasətdir:

“Paşinyanın baş nazir seçildikdən sonra ilk qeyri-qanuni səfərini Dağlıq Qarabağa etməsi, burada səsləndirdiyi fikirlərdən bu qənaətə gəlmək olar ki, o öz sələfi Sərkisyanın buraxdığı səhvlərdən dərs almayıb. Artıq Paşinyanın Dağlıq Qarabağla bağlı səsləndirdiyi tezislər Ermənistanın özündə də ciddi tənqidlə müşahidə olunmaqdadır. Paşinyanın qondarma rejimin 3-cü tərəf kimi danışıqlarda iştirak etməli olduğunu deməsinin məqsədi bu rejimə legitimlik gətirmək istəməsidir. Bununla o, bu qondarma rejimin beynəlxalq aləmdə tanınmasına nail olmağı hədəfləyir. Daha sonra beynəlxalq aləmdə tanınan qondarma rejimi Ermənistana birləşdirmək istəyir. Belə absurd tezislər səsləndirən bir adam münaqişənin həlli imkanlarını daha da buxovlayır. Onun bu addımlarını dalana dirənmiş danışıqlar prosesinə arxadan zərbə kimi dəyərləndirmək olar. Yəni bu şərtlərlə heç bir danışıqlardan söhbət gedə bilməz. Danışıqlar baş tutmadıqda isə artıq alternativ variantlar gündəmə gəlir”.

Politoloq vurğulayıb ki, hazırda alternativ variant müharibədir:

“Paşinyan ilk növbədə Aprel döyüşlərindən nəticə çıxarmalıdır. Müharibə başlasa, cırtdan və inqilab nəticəsində daha da zəifləmiş Ermənistanın biabırçı məğlubiyyəti labüddür. Paşinyan bunu dərk etməli və nəticə çıxarmalıdır”.

Tarix
2018.05.18 / 11:58
Müəllif
Firuzə Vahidqızı
Şərhlər
Загрузка...
Digər xəbərlər

İlham Əliyev ali qonağın şərəfinə ziyafət verdi - Foto

İlham Əliyev 2 sərəncam imzaladı

Bu, Azərbaycanın növbəti töhfəsidir – İlham Əliyev

Düşmənin istənilən təyyarəsini vura bilərik – MN

Sərkisyan dönəmi bitdi, Qarabağda inqilab... - Qriqoryan

Bu münasibətlər yeni pilləyə qalxacaq – İlham Əliyev

Vədlər boşa çıxdı: Qərb Rusiyaya uduzur - Politoloq

Fransanın XİN başçısı Bakıya gəlir

İlham Əliyev bu təşkilatın baş direktoru ilə görüşdü

Azərbaycanlılar seçki saxtakarlığına qarşı birləşdilər

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla