Biz hər zaman deyirik ki, Azərbaycanla Türkiyənin münasibətləri artıq ittifaq dövləti məsələsini gündəmə gətirmək üçün lazım olan səviyyəyə çatıb.

Axar.az xəbər verir ki, bu sözləri Türkiyədə yaşayan azərbaycanlı professor Toğrul İsmayıl Musavat.com-a müsahibəsində deyib. O bildirib ki, model olaraq Rusiya və Belarus arasında olan ittifaqı götürmək olar:

“Bir araya gəlmək zamanı yetişib. Hər kəs buna onsuz da belə baxır. Burada üçüncü ölkələrə yönəlik hər hansı bir addım yoxdur. Onlar boş şeylərdir ki, Türkiyədəki iqtisadi krizis Azərbaycan manatına və başqa şeylərə təsir edəcək. Bu fikirlər Azərbaycan-Türkiyə münasibətlərinə ləkə gətirməkdir. İttifaq dövləti hər şeyi birləşdirmək anlamına gəlmir. Bunun dünyada ən gözəl örnəyi Avrasiya məkanında Rusiya ilə Belarus arasında olan ittifaqdır.