Dağlıq Qarabağ faşistlərin nəvələri tərəfindən işğal edilib.

Axar.az xəbər verir ki, bu fikirləri rusiyalı tarixçi, analitik və qafqazşünas Oleq Kuznetsov bu gün Beynelxalq Mətbuat Mərkəzində keçirdiyi konfransda səsləndirib. Onun sözlərinə görə, bu gün Ermənistan parlamentində üç qüvvə mübarizə aparır: irqçilər, faşistlər və millətçilər:

“Ermənistanda demokratiyadan əsər-əlamət yoxdur. Orada demokratiya üçün zəmin tamamilə məhv edilib. Odur ki, qarşıdakı seçkilər oyundan başqa bir şey olmayacaq”.

DTX arxivlərində erməni şovinist və qatil Njdenin həyat və fəaliyyəti haqqında məxfi sənədləri ortaya çıxaran tarixçi ötən əsrdə fəaliyyət göstərən faşist ermənilərin iç üzünü bütün dünyaya göstərəcəyini deyib:

“Rusiya Federasiyasının Dövlət Arxivi, SSRİ Daxili İşlər Xalq Komissarlığının sənədlərində hələ İkinci Dünya müharibəsindən əvvəl və müharibə zamanı erməni faşistlərin almanlar tərəfində vuruşduqlarını, faşist ideologiyasını yaymağa çalışdıqlarını üzə çıxaran faktlar var.

Bütün dünyanın faşistliyi qadağa etdiyi, lənətlədiyi bir dövrdə İrəvanın ortasında qatı faşist Qaregin Njdenin heykəlinin ucaldılması cinayətdir”, – deyə tarixçi bildirib.