Ana səhifə Siyasət |
Millət vəkili Qənirə Paşayeva Türkiyənin Bolu şəhərində “Yeni Dünya Qaydası və Gələcəyin Xəritəsi” adlı konfransda çıxış edib.
Axar.az xəbər verir ki, millət vəkili çıxışında türk dünyasına önəmli çağırışlar edib.
Q.Paşayeva aydınlara, KİV-lərə səslənərək türk dünyasının müxtəlif bölgələrindəki ağrılara xüsusi həssaslıq göstərməyə səsləyib:
“Bugünkü və gələcək nəsillərə birlik və bərabərliyin nə qədər önəmli olduğunu daha çox anlatmalıyıq. Bunun üçün isə bir-birimizi daha yaxından tanımalı, gənclərin ortaq tarix və mədəniyyətimizi daha yaxşı bilməsinə çalışmalıyıq. 15 sentyabrda Bakının işğaldan azad edilməsinin 100-cü ildönümü ilə bağlı keçirilən paradda Türkiyə və Azərbaycan dövlət başçılarının birgə iştirakı, iki ölkə arasındakı qardaşlığın sarsılmaz olduğunun bariz nümunəsidir”.
Millət vəkili çıxışında türk dünyasının ən böyük problemlərindən olan Dağlıq Qarabağ münaqişəsinə də geniş yer ayırıb.
Deputat bildirib ki, türk dünyası ilə bağlı məsələlərdə siyasətçi, aydın, yazar, şair, araşdırmacı və jurnalistlərin üzərinə böyük missiya düşür.
Tarix
2018.10.17 / 17:10
|
Müəllif
Aygün Yusibova
|