Ana səhifə Siyasət |
Təkcə ABŞ deyil, Avropa da müəyyən şəxslərin buraxılması ilə bağlı Türkiyəyə siyahı təqdim edib.
Bu sözləri Axar.az-a açıqlamasında politoloq Elxan Şahinoğlu deyib. Politoloq bildirib ki, Türkiyənin Bransonla bağlı addımı ABŞ və Avropanın hər istədiyi şəxsin azad ediləcəyi anlamına gəlmir:
“Əks təqdirdə bu, Türkiyənin zəifliyi olardı. Ərdoğan isə güclü siyasətçi, xarizmatik bir fiqurdur. ABŞ-ın həbsdə olan bir qrup şəxsin azadlığa buraxılması üçün Türkiyəyə siyahı verməsi tamamilə mümkündür. Fikrimcə, təkcə ABŞ deyil, Avropa da müəyyən şəxslərin buraxılması ilə bağlı Türkiyəyə siyahı təqdim edib. Ancaq Türkiyənin də bu mövzuda ABŞ-dan haqlı istəkləri var. ABŞ isə Türkiyənin bu tələblərini qulaqardına vurur. Buna görə də Ankaranın məsələ ilə bağlı konkret addım atacağını, xüsusilə də Dəmirdaşın azadlığa buraxılacağını düşünmürəm. Branson sadəcə istisna idi”.
Qeyd edək ki, türkiyəli yazar Əhməd Takan ABŞ-ın Türkiyəyə həbsdə olan bir qrup şəxsin azadlığa buraxılması üçün siyahı verdiyini və siyahıda Dəmirdaşın adının da yer aldığını bildirib.
Tarix
2018.11.08 / 13:42
|
Müəllif
Aygün Yusibova
|