Rusiya sərnişin təyyarəsini İŞİD vurmayıb.

Axar.az xəbər verir ki, bunu ingilis "Teleqraf" qəzetinə açıqlamasında Böyük Britaniyadan olan hərbi ekspert Devid Lermon söyləyib. Onun sözlərinə görə, sərnişin təyyarəsi çox yüksəkdə uçduğu üçün İŞİD-in əlində onu vura biləcək heç bir silahı yoxdur:

"Bunun üçün "Torpaq-hava" tipli raketlər lazımdır. İŞİD-in Misirdəki qolunda bunlar yoxdur. 31 min fut yüksəklikdə olan təyyarə üçün İŞİD-in əlindəki silahlar yetərli deyil".

Qeyd edək ki, dünən Şarm əş-Şeyxdən Sankt-Peterburqa uçan Rusiya sərnişin təyyarəsi qəzaya uğrayıb. Təyyarənin bortunda olan 224 nəfərin öldüyü deyilir.