Ana səhifə Sosial |
2015-ci ilin sentyabr ayında Macarıstan-Serbiya sərhədində polislərlə yaranan qarşıdurmadan qaçmağa çalışan miqrant ata və oğulu təpiklə yıxan Petra Lazslo adlı qadın jurnalist 3 il müddətinə azadlıqdan məhrum edilib.
Axar.az xəbər verir ki, Lazslo Szeqed bölgə məhkəməsi tərəfindən “Qəsdən xəsarət yetirmə” maddəsilə mühakimə edilsə də, onun cəzası hələ ki, təxirə salınıb.
Məhkəmə prosesi zamanı qadın jurnalist özünü müdafiə edərək miqrantları qarşıdurmadan xilas etmək istədiyini bildirib.
Lakin hakim İlines Nanasi isə proses zamanı təqsirli şəxsin toplum qarşısında cinayət törətdiyini vurğulayaraq, onun müdafiəsi ilə bağlı heç bir sübutun olmadığını qeyd edib.
Xatırladaq ki, sözügedən hadisə 2015-ci ilin sentyabr ayında baş vermişdi.
Həmin vaxt qadının hərəkəti dünya ictimaiyyəti tərəfindən kəskin qınanılmış və onun dərhal cinayət məsuliyyətinə cəlb olunmasını tələb edilmişdi.
Tarix
2017.01.13 / 00:58
|
Müəllif
Kamran Ədalət
|