Ana səhifə Kult Teatr |
Mayın 24-də Azərbaycan Dövlət Akademik Opera və Balet Teatrında Azərbaycan Bəstəkarlar İttifaqının sədri, xalq artisti, professor, Milli Elmlər Akademiyasının müxbir üzvü Firəngiz Əlizadənin yubileyi münasibətilə “İntizar” operası nümayiş olunacaq.
Bu barədə Kult.az-a Azərbaycan Bəstəkarlar İttifaqının mətbuat xidmətinin rəhbəri İltifat Hacıxanoğlu məlumat verib.
Heydər Əliyev Fondunun təşəbbüsü və akademik Nərgiz Paşayevanın prodüser layihəsi əsasında hazırlanaraq (tamaşanın librettosunun müəllifi Nərgiz paşayevadır), Heydər Əliyev Sarayında göstərilən operada əsas partiyaları xalq artisti Qərinə Kərimova (Əsli), əməkdar artistlər Əkrəm Poladov (Seyid kişi), İnarə Babayeva (Mələk), Fərid Əliyev (Arif), İlham Nəzərov (Yad adam), Səbinə Vahabzadə və Fəridə Məmmədova (gəlinlər) və aparıcı solist Tural Ağasıyev (kəndli) ifa edəcəklər.
Tamaşanı Azərbaycanın əməkdar artisti, dirijorların beynəlxalq müsabiqələrinin laureatı Əyyub Quliyev idarə edəcək.
Qeyd edək ki, 2010-cu ildə Azərbaycan Prezidenti İlham Əliyev və xanımı Mehriban Əliyeva sözügedən operaya tamaşa ediblər.
Tarix
2017.05.22 / 17:16
|
Müəllif
Kult.az
|