Ana səhifə Kult Teatr |
Azərbaycan Dövlət Musiqili Komediya Teatrı yeni, maraqlı bir layihəyə start verib.
Teatrdan Kult.az-a verilən məlumata görə, “3 gün sizinlə” adlanan layihədə teatrın tanınmış simaları üç gün ardıcıl olaraq öz sevimli tamaşaçılarının görüşünə gələcəklər.
Layihədə ilk olaraq xalq artisti, “Şöhrət” ordenli İlham Namiq Kamal üç gün tamaşaçıların qarşısına çıxacaq.
O, iyunun 16-sı saat 19:00-da “www.ferzeli-kef.com” tamaşasında Fərzəli, iyunun 17-si saat 19:00-da “Ər və arvad” komediyasında Mərcan bəy, daha sonra isə “Amerikalı kürəkən” tamaşasında Orxan obrazını canlandıracaq.
“3 gün sizinlə” layihəsinin növbəti iştirakçısı isə tamaşaçıların sevimlisi, əməkdar artist Almaz Ələsgərova olacaq.
Teatrsevərlər 6 manatdan başlanan biletləri şəhərin bütün teatr-konsert kassalarından və “ASAN Xidmət” mərkəzlərindən əldə edə bilərlər.
Tarix
2017.06.10 / 01:18
|
Müəllif
Kult.az
|