Ana səhifə Kult Teatr |
Şərqin ilk böyük operası, dahi bəstəkar Üzeyir Hacıbəylinin Məhəmməd Füzulinin eyniadlı əsəri əsasında yazdığı “Leyli və Məcnun” tamaşası Moskvada ilk dəfə belə geniş miqyasda nümayiş olunacaq.
Bu sözləri Kult.az-a açıqlamasında xalq artisti Mənsum İbrahimov deyib. Onun sözlərinə görə, tamaşa oktyabr ayının 16-da “Krokus Siti Holl”un 6000 nəfərlik zalında təqdim olunacaq.
“Tamaşa üçün nəzərdə tutulan biletlərin artıq 70%-i satılıb. Tamaşada baş rolları mən və tərəf müqabilim gənc vokalçı Arzu Əliyeva ifa edəcəyik. İlk dəfə Moskvada bu formatda təqdim ediləcək tamaşanın bizim ifamızda səsləndirilməsi sevindirici haldır. Tamaşanın quruluşcu rejissoru əməkdar incəsənət xadimi Hafiz Quliyev, quruluşcu rəssamı isə xalq rəssamı Rafiz İsmayılovdur”.
Tarix
2017.09.07 / 13:04
|
Müəllif
Firuzə Vahidqızı
|