Ana səhifə Kult Teatr |
Yeni il uşaqların ən çox sevdiyi bayramlardandır. Bu bayramı balacalar üçün daha yaddaqalan etməkdən ötrü bəzi teatrlar xüsusi proqram hazırlayıblar.
Kult.az xəbər verir ki, Bakı Dövlət Sirki bayram günləri “Ekstremal qış” adlı Yeni il sirk şousu hazırlayıb. Şou dekabrın 29-dan yanvarın 7-nə kimi davam edəcək.
Şouda əhliləşmiş heyvanlarla gözəl şou olacaq, fokus ustaları, illuzionistlər, hava gimnastları və klounlar çıxış edəcək. Biletlər hər gün saat 10:00-dan 20:00-a kimi sirkin kassalarında satılır. Biletlərin qiyməti isə 10-20 manat arasında dəyişir.
Akademik Milli Dram Teatrında isə Yeni il şənlikləri artıq dekabrın 23-dən başlayıb. Bu münasibətlə "Rəqs edən pinqvinlər" adlı səhnə əsəri hazırlanıb. Şənliklər yanvarın 7-dək hər gün dörd seansda - 11:00, 13:00, 15:00 və 17:00-da – keçirilir.
Biletləri şəhərin bütün kassalarından əldə etmək mümkündür.
Heydər Əliyev Sarayı da Yeni il bayramında uşaqlar üçün xüsusi proqram hazırlayıb. 29 və 30 dekabr tarixlərində sarayın səhnəsində uşaqlar üçün "Fiksi-şou: Zamanın xilaskarları" adlı tamaşa nümayiş olunacaq. Yeni il tamaşası - "Fiksiki" cizgi filminin motivləri əsasında hazırlanmış lisenziyalı tamaşadır. Seanslar 29 dekabr - 12:00, 15:00-da və 30 dekabr - 12:00-da olacaq.
Biletləri şəhərin bütün kassalarından əldə etmək mümkündür.
Tarix
2017.12.26 / 01:19
|
Müəllif
Nigar İxtiyarqızı
|