Ana səhifə Kult Teatr |
Ötən gün Azərbaycan Dövlət Musiqili Teatrında “Nuri-didə Ceyhun” tamaşasının premyerası baş tutub.
Kult.az xəbər verir ki, Əkbər Əlizadənin, Qurban Məsimovun, Cəfər Namiq Kamalın və digər tanınmış aktyorların qatıldığı premyerada qonaqları salamlayan əməkdar incəsənət xadimi, tanınmış teatrşünas Məryəm Əlizadə tamaşanın 10 mart - Milli Teatr Gününə və Azərbaycan Xalq Cümhuriyyətinin yaranmasının 100 illiyinə, eyni zamanda Ceyhun Hacıbəylinin 125 illik yubileyi şərəfinə səhnələşdirildiyini bildirib. O qeyd edib ki, Azərbaycan səhnəsində ilk dəfə dahi bəstəkar Üzeyir Hacıbəylinin qardaşı yazıçı-publisist, tərcüməçi, azərbaycançılıq ideyalarına sonadək sadiq qalan Ceyhun Hacıbəylinin obrazı canlandırılıb.
Qeyd edək ki, ideya müəllifi Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevin olduğu tamaşadaşada Ceyhun Hacıbəylinin məşəqqətli mühacirət həyatından, cümhuriyyətimizin keçdiyi çətin, lakin, şərəfli mübarizə yolundan bəhs edilib.
Tamaşada rolları Xalq artisti Fatma Mahmudova, Əməkdar artistlər Pərviz Məmmədrzayev, Şövqü Hüseynov, aktyorlar Elçin İmanov, Gülnarə Abdullayeva, Ülviyyə Əliyeva, Nicat Əli, Gülçöhrə Abdullayeva, Mehriban Zalıyeva, Nadir Xasıyev, Firuz Məmmədov və Şaban Cəfərov ifa edib.
Tarix
2018.03.11 / 00:39
|
Müəllif
Nərmin Əkbərli
|