Axar.az
Yuxarı
28 Aprel 2017


Yağıntıların miqdarı dəyişib - Bizi nələr gözləyir?

Ana səhifə Digər Təbiət
12 Punto 14 Punto 16 Punto 18 Punto

Azərbaycan ərazisində atmosfer yağıntılarının miqdarı orta hesabla 3% azalıb.

Bunu Trend-ə akademik H.Ə.Əliyev adına Coğrafiya İnstitutunun İqlim və aqroiqlimşünaslıq şöbəsinin müdiri Xəyyam Rəhimov deyib.

X.Rəhimovun sözlərinə görə, ölkənin müxtəlif bölgələrində yerləşən 32 meteoroloji stansiyanın məlumatları əsasında atmosfer yağıntılarının orta aylıq, illik və mövsümi müasir (1992-2014-cü illər) iqlim normaları hesablanıb. Müəyyən edilib ki, ölkə ərazisində atmosfer yağıntılarının miqdarı orta hesabla 3% azalsa da, regionlarda bu dəyişmə müxtəlif istiqamətli olub. Belə ki, Böyük Qafqazın cənub yamacının qərb hissəsində atmosfer yağıntılarının miqdarı 9%-dək artıb. Abşeronda bu artım 2-3% təşkil edib. Ölkənin əsas ərazilərində yağıntılar 2-8%, Kür-Araz ovalığının bəzi rayonlarında isə 12-15%-dək azalıb. İlin isti dövründə yağıntıların miqdarı 3-17% azalıb.

X.Rəhimov qeyd edib ki, proqnozlara görə, XXI əsrin sonunadək illik atmosfer yağıntıların miqdarının dəyişməsi müxtəlif istiqamətli olacaq: “Hesablamalar göstərir ki, ölkə ərazisində mümkün buxarlanmanın miqdarı 15-35% artacaq və bu da rütubət çatışmazlığının (iqlim-suvarma norması) 70-540 mm artmasına səbəb olacaq. Mümkün buxarlanmanın xeyli artması ölkə ərazisində təbii rütubətlənmə şəraitini pisləşdirəcək və bu da rütubətlənmə zonalarının sərhədlərinin dağlara doğru irəliləməsinə səbəb olacaq. Lakin bu, isti qurşaqların yerdəyişməsindən az olacaq, regiondan və proseslərdən asılı olaraq 50-400 m təşkil edəcək”.

Tarix
2016.12.27 / 20:31
Müəllif
Axar.az
Şərhlər
Загрузка...
Digər xəbərlər

Cənubda 100 min hektarlıq park yaradılacaq

Azərbaycanda yeni həşəratlar tapıldı

Bu günün hava proqnozu

Dünya şokda: Günəşə enən UNO-lar görüntüləndi - Video

KULT
<>
SORĞU
Dağlıq Qarabağ probleminin həlli yolunu necə görürsünüz?
  
  
  
Xəbər xətti
 
Axar.az'da reklam Bağla
Reklam
Bize yazin Bağla