Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 Yanvar 2018


Ağdaşdakı qətlin təfərrüatları - Foto

Ana səhifə Toplum
12 Punto 14 Punto 16 Punto 18 Punto

Ağdaş rayonunda xüsusi amansızlıqla törədilən qətl hadisəsinin təfərrüatları məlum olub.

APA-nın yerli bürosunun xəbərinə görə, Ağdaş şəhər sakini, əvvəllər məhkum olunmuş Ramazan Qurbanov yol kənarındakı avtoyuma məntəqəsinin yanında şəxsi münasibətlər zəminində aralarında baş verən dava zamanı dostluq etdiyi Ağdaş rayonu Qolqəti kənd sakini, 1970-ci il təvəllüdlü Baxşəliyev Abubəkr Sabir oğluna boğaz, qarın və kürək nahiyəsindən 7 bıçaq xəsarəti yetirərək onu amansızlıqla qətlə yetirib.

Hadisəni törədən R. Qurbanov qaçıb gizlənsə də, Ağdaş rayon Polis Şöbəsinin əməkdaşları tərəfindən saxlanılaraq istintaqa təhvil verilib.

Qətlə yetirilən şəxsin qardaşı Mahir Baxşəliyev müsahibəsində qardaşının sifarişlə qətlə yetirildiyini və onu öldürən şəxsin təkcə R. Qurbanov olmadığını, hadisədə digər şəxslərin də iştirak etdiyini iddia edib. M. Baxşəliyev bildirib ki, qatillər qardaşını yox, onun özünü öldürmək istəyiblər və əvvəlcədən bu barədə xəbərdarlıq da ediblər. Onun sözlərinə görə, 3 il əvvəl Bakı şəhərinin Yeni Suraxanı qəsəbəsində ev və torpaq alqı-satqısı ilə məşğul olan Aslan və Həmid adlı şəxslərə 6500 manat pul verərək 2 sot torpaq sahəsi alıb. Lakin ötən müddət ərzində torpağını həmin adamlardan ala bilmədiyinə görə verdiyi pulu geri qaytarmağa çalışdığını, Aslan və Həmid adlı şəxslər barədə Suraxanı rayon Polis Şöbəsinə və prokurorluğa şikayət etdiyini bildirib. Həmin şəxslər bir həftə əvvəl ona Suraxanı rayonu Polis Şöbəsinin istintaq bölməsində pulu geri qaytarmayacaqlarını və bu günlərdə onun başına oyun açacaqlarını deyərək hədə-qorxu gəliblər. M. Baxşəliyevin iddiasına görə, şikayətçi olduğu Hamid Abdinovun qardaşı törətdiyi qətl hadisələrinə görə 3 dəfə həbsdə olub və onun qardaşı Abubəkri öldürən Ramazan adlı şəxslə həbsxanada bir yerdə olub, dostluq əlaqələri var. M. Baxşəliyev qardaşını ona 6500 manat pul borcu olan Aslan və Həmid adlı şəxslərin sifarişi ilə qətlə yetirildiyini bildirib.

Qeyd edək ki, bir uşaq atası olan A. Baxşəliyevin rayonda heç kimlə, o cümlədən onu öldürən Ramazanla şəxsi ədavətinin olmadığı, sakit təbiətli insan kimi tanındığı bildirilir.

Qətlə yetirilən şəxsin oğlu Ruslan Baxşəliyev isə bildirib ki, atası və anası ilə birgə Ağdaş şəhərində kirayə tutduqları evdə yaşayıblar və atası ailəsini dolandırmaq üçün vətəndaşların həyətlərində fəhləlik edib, halal zəhməti ilə pul qazanıb. O, atasını öldürən Ramazan adlı şəxsi yaxşı tanıdığını və dostluq münasibətləri olduğunu deyib. Atasının bir nəfər tərəfindən qətlə yetirilmədiyini iddia edən R. Baxşəliyev bu hadisədə əli olan digər şəxslərin də tapılaraq cəzalandırılmasını istəyir.

Faktla bağlı Ağdaş rayon Prokurorluğu tərəfindən araşdırma aparılır.

Tarix
2016.11.09 / 19:07
Müəllif
Axar.az
Şərhlər
loading...
Digər xəbərlər

İspaniya mediası Bakıdakı qırğından yazdı - Foto

Cahangir Hacıyevin vəkilinin fəaliyyəti dayandırıldı

Kürdlərin nümayəndəsi: İndi müdafiə olunmaq daha vacibdir...

Nazirlikdə islahat: 10 nəfər vəzifədən azad olundu

Nazir əməliyyat müşavirəsi keçirdi

Gecə klublarında qanlı davaların səbəbi... – Ekspert

“Barama”dan Startuplar üçün uğurlu təqdimat və PR təlimi

Müxalifətin şəhidləri ziyarətinə maneə... – DİN açıqladı

Səməd Seyidov yüksək vəzifəyə seçildi

“Qış məktəbi” proqramı üzrə növbəti təlim - Foto

KULT
Xəbər xətti
 
  
  
  
Axar.az'da reklam Bağla
Reklam
Bize yazin Bağla