Ana səhifə Toplum |
13:54
Lənkəran şəhərində ər və arvadının meyitləri tapılıb.
Report-un verdiyi məlumata görə, meyitlər şəhərin Şəhidlər xiyabanı küçəsi 10 ünvanında aşkarlanıb. Həmin ünvanda yaşayan 1939-cu il təvəllüdlü Aydın və onun həyat yoldaşı 1941-ci il təvəllüdlü Azadə Allahverdiyevlərin yaşadıqları evdə cəsədi tapılıb.
Hüquq mühafizə orqanları hadisə yerini müayinə edib. Meyitlər Səhiyyə nazirliyinin Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.
İlkin məlumatlara görə, Aydın Allahverdiyevin üz nahiyəsində əzilmiş-kəsilmiş xəsarətlər aşkarlanıb. Ölən şəxlərin hər ikisinin üz nahiyəsində qan izləri olub.
Faktla bağlı araşdırma aparılır.
***
Bu gün Lənkəranda günorta saatlarında yaşadıqları evdə meyitləri aşkarlanan ahıl ər-arvadın öldürüldüyü məlum olub.
APA-nın xəbərinə görə, bu, Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinin yekun rəyində əksini tapıb.
Rəyə əsasən hər iki şəxsin bədənində və baş nahiyələrində xəsarətlər aşkarlanıb. Onların bu xəsarətlərdən öldüyü qənaətinə gəlinib.
Tarix
2016.11.22 / 19:47
|
Müəllif
Axar.az
|