Ana səhifə Toplum |
Bu gün səhər saatlarından yağan qar və havanın temperaturunun aşağı düşməsi səbəbindən Bakı-Şamaxı-Yevlax magistralında nəqliyyatın hərəkətində çətinliklər yaranıb.
Report-un məlumatına görə, magistralın 38, 40 və 48-ci kilometrliklərində nəqliyyatın hərəkəti məhdudlaşıb.
Yağan qardan sonra, yolların buz bağlaması sürücüləri çətin duruma salıb.
Daha çox çətinlik isə magistralın Abşeron rayonu Təzəkənd kəndi ərazisindən keçən hissəsində qeydə alınıb.
Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) əməkdaşları səhər saatlarından başlayaraq sözügedən ərazidə gücləndirilmiş iş rejiminə keçib. Bundan başqa, yolun qardan təmizlənməsi üçün Yol İstismar İdarəsinin texnika və canlı qüvvəsi əraziyə cəlb edilib. Magistral qar və buzdan qismən təmizlənib, nəqliyyatın hərəkəti bərpa olunub.
Hazırda sözügedən ərazilərdə qar yağmaqda davam edir, havanın temperaturu -4 dərəcədir.
Tarix
2016.11.23 / 15:45
|
Müəllif
Axar.az
|