Yuxarı

Əflatun Amaşov: "Bu, mətbuata təzyiq deyil"

Ana səhifə Toplum
12 Punto 14 Punto 16 Punto 18 Punto

Dövlət Təhlükəsizliyi Xidməti (DTX) tərəfindən “Bizim dövr” qəzetinin adı ilə vətəndaşları şantaj edən dəstə üzvlərinin zərərsizləşdirilməsi heç bir halda mətbuata təzyiq kimi dəyərləndirilə bilməz.

Bunu Trend-ə Mətbuat Şurasının (MŞ) sədri, Milli Məclisin deputatı Əflatun Amaşov deyib.

Onun sözlərinə görə, “Bizim dövr” qəzetinin adı müxtəlif vaxtlarda MŞ-nın “Qara siyahı”sında olsa da, bir müddətdən sonra çıxarılıb. Ancaq MŞ-ya yenidən daxil olan şikayətlər əsasında, “Bizim dövr” qəzetinin adı yenidən qurumun “Qara siyahı”sına daxil edilib.

Ə.Amaşov qeyd edib ki, Şuranın “Qara siyahı”sına bu vaxtadək 70-dən çox kütləvi informasiya vasitəsinin adı daxil edilib. Siyahı MŞ-ya daxil olan şikayətlər əsasında tərtib edilib.

Şura sədrinin sözlərinə görə, “Qara siyahı”ya düşən KİV-lərin bəziləri adları siyahıya salındıqdan sonra fəaliyyətini dayandırıb, bəziləri isə bu gün də fəaliyyətini davam etdirir:

“Şuranın “Qara siyahı”sına düşən KİV-lər mütəmadi olaraq, peşə-davranış qaydalarının tələblərinə əməl etməyən, KİV haqqında qanunvericiliyin tələblərini pozan, ayrı-ayrı insanların şərəf və ləyaqətini alçaldan, ailə həyatına müdaxilə edən və reket adlandırılan mətbuat orqanlarıdır. Çox təqdirəlayiq haldır ki, DTX-nin həyata keçirdiyi əməliyyat nəticəsində reket jurnalistlər saxlanılıb. Belə halların qarşısı hər zaman alınmalıdır”.

Şura sədri əlavə edib ki, reket jurnalistika ilə məşğul olanlar əsasən, onlayn saytlardır.

Reket jurnalistika ilə mübarizənin yalnız MŞ-nın işi olmadığını deyən Ə.Amaşov qeyd edib ki, onlara qarşı mübarizə tədbirləri məhz hüquq-mühafizə orqanları tərəfindən həyata keçirilməlidir:

"Hüquq-mühafizə orqanları bu sahə ilə bağlı çox çiddi ölçülər götürməlidirlər. Çünki bu sahə ilə məşğul olanlar jurnalistika ilə heç bir əlaqəsi olmayan insanlardır. Belə hadisələri törədən şəxslərlə bağlı jurnalistika müstəvisində deyil, cinayət əməlləri müstəvisində hərəkət etmək daha qanunauyğundur”.

Tarix
2016.12.03 / 14:19
Müəllif
Axar.az
Şərhlər
Digər xəbərlər

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla