Ana səhifə Toplum |
Tovuzda “Qarabağ həqiqətlərinin daha geniş yayılmasında gənclərin rolu” adlı tədbir keçirilib.
Axar.az xəbər verir ki, tədbirdə çıxış edən millət vəkili Qənirə Paşayeva Ermənistanın torpaqlarımıza qarşı həyata keçirdiyi işğalçılıq siyasəti, törətdikləri soyqırımlar, vandalizm aktları, Dağlıq Qarabağ probleminin tarixi kökləri, müasir vəziyyət və bir sıra beynəlxalq təşkilatların ikili standartlarnı özündə əks etdirən kitabları gənclərə təqdim edib.
Tədbirə rayonun ən savadlı gənclərinin dəvət edilməsini özəlliklə istədiyini deyən millət vəkili bildirib ki, Azərbaycanın gələcəyi məhz gənclərin əlindədir.
Q.Paşayeva gəncləri sosial şəbəkələrdə əylənməyə deyil, oxumağa, öyrənməyə, Qarabağ həqiqətlərinin daha çox yayılmasında iştirak etməyə, ölkəmizə qarşı yalan, böhtan kompaniyalarına qarşı mübarizəyə sərf etməyə çağırıb.
Görüşün sonunda deputat gənclərə və müəllimlərə müəllifi olduğu “Müasir Avropa təhlükəsizliyi: Yeni çağırışlar və təhdidlər (Cənubi Qafqaz münaqişələri timsalında)”, “Dağlıq Qarabağ münaqişəsi Avropanın təhlükəsizliyinə başlıca təhdid kimi” kitablarını hədiyyə edib.
Tarix
2016.12.05 / 15:45
|
Müəllif
Aygün Yusibova
|