Ana səhifə Toplum |
13:09
Ötən gün saat 16:00-da Təhsil Nazirliyində Qafqaz Universitetinin rəhbərliyi və müəllim heyəti ilə görüş keçirilib.
Görüşdə iştirak edən professorlardan birinin Axar.az-a verdiyi məlumata görə, Təhsil Nazirliyində təsisçi Azərbaycan Beynəlxalq Təhsil Kompleksinin Qafqaz Universitetinin fəaliyyətinin dayandırılması barədə 9 yanvar tarixli qərarı müzakirə edilib. Təhsil Nazirliyi fəaliyyəti dayandırılan universitetin bazasında dövlət ali məktəbinin yaradılacağı barədə mövqeyini ifadə edib. Bildirilib ki, universitetin bazasında Mühəndislik Akademiyasının yaradılması və qurumun sahəvi ali təhsil müəsisəsinə çevrilməsi nəzərdə tutulur.
Həmçinin vurğulanıb ki, Qafqaz Universitetindəki fakültələrin əksəriyyətinin fəaliyyətinin davam etdirilməsi də məqsədəuyğundur.
Qafqaz Universitetinin tələbələri isə yeni yaradılacaq ali təhsil müəsisəsində təhsillərini davam etdirmək imkanı qazanacaqlar. Ancaq tələbələrə sərbəstlik də veriləcək, yeni yaradılan akademiyada təhsilini davam etdirmək istəməyənlərin qəbul ballarına uyğun arzuladıqları təhsil müəssisəsinə köçürülməsinə imkan yaradılacaq. Bunun üçün Qafqaz Universitetinin Ləğvetmə Komissiyası ilə Təhsil Nazirliyinin İşçi Qrupu birgə fəaliyyət göstərəcək.
Tarix
2017.01.20 / 13:57
|
Müəllif
Axar.az
|