Ana səhifə Toplum |
Milli Məclisin “Əmək və Sosial Siyasət Komitəsi "Tütün məmulatlarının istifadəsinin məhdudlaşdırılması haqqında" qanun layihəsinə bununla bağlı müddəaların əlavə edilməsini təklif edib.
Ediləcək dəyişilikliyə görə, siqaretlərin ədədlə satışına qadağa qoyula bilər.
Xəzər xəbər bildirir ki, hazırda siqaretin 1 ədədini təxminən 10-20 qəpiyə əldə etmək olur. Qiymətin belə olması bir çox gəncin siqaret çəkməyə meylini artırır.
Belə ki, Azərbaycanda mağaza və köşklərdə siqaretin ədədlə satışı daha çox tələbə və məktəblilərin olduğu ərazilərdədir. Bütün hallarda uşaq və yeniyetmələr üçün siqaret əlçatandır.
Bəzi köşk və mağaza sahibləri siqaretləri yaşı 18-dən az olanlara da satırlar. Bəziləri isə ümumiyyətlə, azyaşlılara siqaret satmadıqlarını iddia edir.
Elə vətəndaşlar da bu qanun layihəsinin tezliklə qüvvəyə minməsinin lehinədirlər.
Parlamentdə bu əlavələrə razılıq verilsə, o zaman mağaza və köşklərdə siqaretlərin ədədlə satışı tarixə qovuşacaq.
Tarix
2017.01.30 / 01:30
|
Müəllif
Axar.az
|