2012-2016-cı illərdə dünyanın ən böyük silah idxalatçıları Asiya və Okeaniya ölkələri olublar.

Axar.az xəbər verir ki, bu barədə informasiya Stokholm Sülh Problemlərinin Beynəlxalq Tədqiqatı İnstitutunun (SİPRİ) hesabatında yer alıb. Onlar dünyanın ümumi silah idxalatının 43%-nə sahiblik ediblər. Ondan sonrakı yerləri isə Yaxın Şərq (29%), Avropa (11%), Cənubi və Şimali Amerika (8,6%) və Afrika (8,1%) tutub.

Hesabatda ən maraqlı məqam Asiya, Okeaniya və Yaxın Şərqdə silah idxalının son 10 ildə kəskin artmasıdır. Bu regionlardan fərqli olaraq Avropa, Şimali və Cənubi Amerika, eləcə də Afrikada silah idxalatı kəskin azalıb.

Son 5 ildə dünyanın ən böyük silah idxal edən ölkələr sırasına Hindistan (ümumi idxalatın 13%-i) rəhbərlik edib. Ondan sonrakı yerləri isə Səudiyyə Ərəbistanı (8,2%), Birləşmiş Ərəb Əmirlikləri (4,6%), Çin (4,5%) və Əlcəzair (3,7%) tutublar. Onlar hamısı birgə dünyanın ümumi idxalatının 34%-ni təşkil ediblər.

Hesabatın əhatə etdiyi dövrdə Azərbaycanın Ermənistandan 20 dəfə çox silah aldığı da bildirilib.