Ana səhifə Toplum |
09:39
Dünən gecə saatlarında vəfat edən tanınmış jurnalist Zabil Müqabiloğlu bu gün torpağa tapşırılacaq.
Axar.az xəbər verir ki, dəfn mərasimi Pirşağı qəsəbəsindəki köçkünlər qəbiristanlığında keçiriləcək.
Xatırladaq ki, Zabil Müqabiloğlunun səhhəti gecə saatlarında qəfil pisləşmiş və o, koma vəziyyətində 1 saylı Kliniki Xəstəxanaya gətirilmişdi.
Z.Müqabiloğlu serrozdan əziyyət çəkirdi. 3 ay öncə də qanaxma ilə xəstəxanaya yatırılmışdı.
***
Tanınmış jurnalist Zabil Müqabiloğlu torpağa tapşırılıb.
Report-un xəbərinə görə, o, Pirşağı qəsəbəsində məcburi köçkünlər üçün nəzərdə tutulan qəbiristanlıqda valideynlərinin yanında dəfn olunub.
Xatırladaq ki, jurnalist ötən gecə müalicə aldığı 1 saylı Şəhər Kliniki Xəstəxanasında (Semaşko) dünyasını dəyişib.
Zabil Müqabiloğlu 1977-ci il noyabrın 17-də Zəngilan rayonunun Babaylı kəndində anadan olub. Jurnalist mədə-bağırsaq qanaxması diaqnozu ilə 1 saylı Şəhər Kliniki Xəstəxanasının reanimasiya şöbəsinə yerləşdirilmişdi. Onun qaraciyər transplantasiyasına ehtiyacı var idi.
Qeyd edək ki, Zabil Müqabiloğlu uzun illər “Yeni Müsavat” qəzetində redaktor vəzifəsində çalışıb.
Allah rəhmət eləsin!
Tarix
2017.02.27 / 13:08
|
Müəllif
Axar.az
|